شبكة سوبر نانى النسائية


 
الرئيسيةالتسجيلدخولتسجيل دخول الاعضاء

شاطر | 
 

 الفراخ المشوية على طريقة الشيف يسري بالصور + الأرز بالخلطة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
alaam
نانى لامعه
avatar


البلد : مصر
الهواية :
الجنس : انثى

عدد المساهمات : 1753

خدمات المنتدى
مشاركة الموضوع: مشاركة

مُساهمةموضوع: الفراخ المشوية على طريقة الشيف يسري بالصور + الأرز بالخلطة   الإثنين فبراير 22, 2010 3:38 pm

السلام عليكم ورحمة الله وبركاته

ازيكم يا بنوتات يا حلوين

جبتلكم النهاردة فراخ مشوية على طريقة الشيف يسري شفتها على قناة الحياة
من أسبوعين تقريباً
ودخلت دماغي أوي
وقررت اني أعملها في أقرب فرصة
وفعلا عملتها وطلعت تحفة

المقادير

فرخة كاملة
1/2 كوب زبدة
2 ملعقة كبيرة زعتر
2 ملعقة كبيرة عصير ليمون ( ليمونة كاملة كبيرة)
بشر ليمونة
كسبرة ناشفة
بهارات
ملح وفلفل



نجيب الفرخة ونغسلها كويس أوي
وانا هنا جبت فرخة بلدي لأني بحب الفراخ البلدي جدا
بس براحتك لو بتحبي الفراخ البيضا مفيش مشكلة
بس الفرخة تكون صغيرة مش كبيرة
علشان مايكونش فيها دهون وكمان تستوي بسرعة
ونفصل الجلد عن اللحم





بعد كده نعجن الحشوة مع بعضها
وعلى فكرة بالنسبة للناس اللي بتعمل ريجيم مايخافوش خالص من الزبدة اللي هتحشوا بيها الفراخ
هي هتدي لون ذهبي بس للجلد من بره
وهتسيح وهتنزل كلها مع الصوص
وممكن تكبيها بعد ما الفرخة تستوي
غير كده احنا بنشيل جلد الفراخ عند الأكل



بعد كده نجيب صينية نخرط فيها بصلة كبيرة
وتكون متبلة بالملح والفلفل
وممكن نحط عليها أعواد زعتر



بعد كده نتبل الفراخ ونحشيها بالحشوة من جوا
مابين الجلد واللحم
ونكتفها كويس جدا
نلف الجناح من ورا عكسي
والوراك ممكن ندخلها في الفرخة نفسها او نلفها بخيط دوبارة
ونحطها فوق البصل في النصف



ندخلها فرن يكون متسخن قبل كده ونسيبها لمدة 10 دقائق على نار عالية
ونخرجها تاني نلفها بورق سيلفر






بعد كده ندخلها الفرن على نار متوسطة
نسيبها لمدة نصف ساعة
وبعدين نهدي عليها النار ونسيبها تستوي براحتها ع الهادي

بعد كده نعمل الأرز
وانا الحمد لله بعمل رز بالخلطة حلو أوي
نقول بقا الطريقة

أنا أخدت الكبدة والقناصة والقلب بتاع الفرخة
قطعتهم قطع صغيره اوي
وقطعت بصلة متوسطة
شوحتهم في الزبدة وشوية زيت ذرة صغيرين
( لازم تحطي زيت علشان الرز مايلزقش منك )
وحطيت معاهم
زبيب
لوز مقطع (ممكن سوداني مقشر بيكون أحلى واطعم)
معلقة كبيرة نعناع ناشف
معلقة كبيرة كركم
معلقة كبيرة قرفة
ملح وفلفل
بقلبهم كويس وأحمرهم في الزبدة



بعد كده بنضيف الرز للخلطة دي وبنكون ناقعينه شوية في الميه



بعد كده ضفت له الشوربة وسبته يستوي بالطريقة العادية

بعد كده الفراخ استوت وطلعتها من الفرن وده كان شكلها



وبعد ما الرز استوي
حطيت الرز على طبق سيرفيس كبير
وصوص الفراخ من حواليه
وحطيت الفرخة في النصف
وده كان شكلها النهائي



وعلى فكرة انا نسيت ادهنها زبدة من فوق
لو كنت دهنتها كان هيبقى لونها ذهبي أكتر من كده
معلش بقا دي اول مرة أعمل فيها فراخ مشوية بالشكل ده
بس حقيقي طلعت تحفة
ريحتها كانت حلوة جدا جدا وهي في الفرن
وطعمها كان يجنن
بشر الليمون مع الزعترمديها طعم جنان
جربوها وعلى ضمانتي
وبالهنا والشفا
الرجوع الى أعلى الصفحة اذهب الى الأسفل
راجية المغفرة
المديره التنفيذيه
المديره التنفيذيه
avatar


البلد : مصر
الهواية :
الجنس : انثى
mms : سبحان الله وبحمده





عدد المساهمات : 16271

خدمات المنتدى
مشاركة الموضوع: مشاركة

مُساهمةموضوع: رد: الفراخ المشوية على طريقة الشيف يسري بالصور + الأرز بالخلطة   الإثنين فبراير 22, 2010 4:48 pm

هجربها انشاء الله

الرجوع الى أعلى الصفحة اذهب الى الأسفل
المشتاقة لعفو ربى
المديره التنفيذيه
المديره التنفيذيه
avatar


البلد : مصر
الهواية :
الجنس : انثى
mms : روعه




عدد المساهمات : 11064

خدمات المنتدى
مشاركة الموضوع: مشاركة

مُساهمةموضوع: رد: الفراخ المشوية على طريقة الشيف يسري بالصور + الأرز بالخلطة   الجمعة أبريل 02, 2010 12:28 am

شكلها شهي ان شاء الله اجربها










الرجوع الى أعلى الصفحة اذهب الى الأسفل
ام مهندالمصرية
المديره التنفيذيه
المديره التنفيذيه
avatar


البلد : مصر
الهواية :
الجنس : انثى
mms : زهره






عدد المساهمات : 17818

خدمات المنتدى
مشاركة الموضوع: مشاركة

مُساهمةموضوع: رد: الفراخ المشوية على طريقة الشيف يسري بالصور + الأرز بالخلطة   الجمعة أبريل 02, 2010 12:42 am



اللــــــهم إني أشتهي سجــــــــــــدة على أرض مكــــــــــــــــة...[♥] !!
فاكتبها لي ...[♥] !!
ولكل من يشتهيها ...[♥] !!
يـــــــــــــــــــــــــــــــــــا رب ....[♥] !!



يااااااااارب يهديكوا يا اولادى ويجعلكوا من حافظة القرأّن الكريم
الرجوع الى أعلى الصفحة اذهب الى الأسفل
SEEM
.
.
avatar


البلد : مصر
الهواية :
الجنس : انثى
mms : اللهم اعنى على ذكرك

عدد المساهمات : 2272

مُساهمةموضوع: رد: الفراخ المشوية على طريقة الشيف يسري بالصور + الأرز بالخلطة   الأربعاء أبريل 14, 2010 7:32 pm

الرجوع الى أعلى الصفحة اذهب الى الأسفل
أسيل
_
_
avatar


البلد : مصر
الهواية :
الجنس : انثى
mms : رقيق



عدد المساهمات : 2569

خدمات المنتدى
مشاركة الموضوع: مشاركة

مُساهمةموضوع: رد: الفراخ المشوية على طريقة الشيف يسري بالصور + الأرز بالخلطة   الجمعة فبراير 25, 2011 8:15 pm

اية الحلاوة دي
تسلمي
الرجوع الى أعلى الصفحة اذهب الى الأسفل
ام معاذ
،
،
avatar


البلد : مصر
الهواية :
الجنس : انثى
mms : شفيع الخلائق

عدد المساهمات : 1360

خدمات المنتدى
مشاركة الموضوع: مشاركة

مُساهمةموضوع: رد: الفراخ المشوية على طريقة الشيف يسري بالصور + الأرز بالخلطة   الإثنين أكتوبر 17, 2011 1:39 pm

ماشاء الله عليكى حبيبتى
احسن شيف
الموضوع ممتاز


الرجوع الى أعلى الصفحة اذهب الى الأسفل
 

الفراخ المشوية على طريقة الشيف يسري بالصور + الأرز بالخلطة

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة سوبر نانى النسائية  :: الشيف يسرى-
انتقل الى: