شبكة سوبر نانى النسائية


 
الرئيسيةالتسجيلدخولتسجيل دخول الاعضاء

شاطر | 
 

 ساعدوني ارجوكم انا عايزة حل لمشكلتي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نانى متخفيه
نانى نشيطه



البلد : جزر القمر
الهواية :
الجنس : انثى
mms : زهره

عدد المساهمات : 27

مُساهمةموضوع: ساعدوني ارجوكم انا عايزة حل لمشكلتي   الثلاثاء يونيو 08, 2010 6:44 pm

السلام عليكم ورحمة الله وبركاته
انا عندي مشكلة هي مشكلة حياتي بمعني اصح ونفسي حد يقولي اعمل ايه بجد لاني حاسة انى هتجنن
ومش لاقيه حل وبالصدفه انا شفت المنتدي ده وعجبني وحسيت اد انتوا طيبين وبتحبوا بعض وممكن تساعدوني عشان كده انا دخلت بعضوية المتخفية
هقولكم الحكاية من اولها وانا صغيرة كنت محجوزة لابن عمي كانوا بيقولوا دايما ان فلانه لفلان
وكبرت وانا شايفه ابن عمي قدامي وحبه كان بيكبر معايا لانه بصراحة شاب وسيم ومرح وفي صفات حلوة كتير
المهم حبيته وانا منكتش بحس انه بيحبني وملمحش ليا بحبه الا وانا في ثانوي عام كنت في تانيه ثانوي واتقدم رسمي لابي وطلب ايدي بصراحة مصدقتش نفسي كنت في قمة السعادة بس هو اشترط اني مكملش تعليمي فرفضت وابي رفض وقال ان التعليم ده اهم حاجة محدش ضامن الظروف المهم زعل وانتهي الموضوع وسمعت انه سافر بره يشتغل المهم عدا سنتين واخبارة مقطوعة عني معرفش عنه حاجة وانا في اولي جامعة لقيته بعتلي جواب مع اخته بيكرر طلب ايدي وبيقولي انه ميقدرش يبعد عني بصراحة من فرحتي مفكرتش ازاي يقدر يبعد عني سنتين لو كان كلامه حقيقي
وفضل سنة في الغربه بيقول انه بيجهز فلوس الجواز ورجع واتخطبنا وكتبنا الكتاب وكان اسعد يوم في حياتي
بعد كتب الكتاب باسبوع سألته كان عامل ايه في الغربة ولو كان بيحبني ازاي يقدر يبعد سنتين بحالهم ميعرفش عني حاجة وكانت المفاجأة اللي زللزلت كياني اعترف انه كان علي علاقه غير شرعيه مع واحدة من اهل البلد العربي اللي كان عايش فيه وكانوا عايشين في بيت واحد وكل الجاليه المصريه اللي معاه مفكرينه متجوزها
واعترف انه حصل حمل مرتين وهو رفض استمراره وعملت اجهاض مرتين ونزلت الجنين
انا سمعت الكلام ده وكأنه طعني بخنجر في قلبي مبقتش عارفه اعمل ايه والمصيبه انه قبل ما يعترف حلفني
ان الكلام ده يفضل سر بينا حسيت ان حبه اتحول لكره مبقتش قادره اسمع صوته او اشوفه
كنت بتجنن لو حاول يلمس ايدي فكرت كتير وقلت في نفسي انه ازاي قدر يغضب ربنا ويرتكب الكبائر يبقي ازاى هيقدر يحافظ عليا ويصوني وصممت علي الطلاق واختلقت معاه المشاكل عشان بابا يوافق علي الطلاق
وهو رفض وصمم علي الرفض وعشان اشيل الفكرة من دماغي علي حد قوله بدأ يساوم ابي علي فلوس كتير مقابل الطلاق ولان ابي ميسور الحال وانا بنته الوحيده وافق عشان يريحني واداله كل اللي عايزة عشان اطلق
وبعد الطلاق كنت كل ما امشي في مكان الاقيه ورايا وكل يشوية يبعتلي راسيل عشان ارجعله تاني ويرن عليا في التليفون بس كنت بكنسل عليه ومش برد
دلوقتي انا مش عارفه اعمل ايه
انا متقدملي خطاب كتير وخايفه اوافق علي اي حد خايفة اظلم واحد تاني اتجوزه وانا مش بحبه
انا لسه بحب ابن عمي ومش متخيله نفسي مع حد غيره بس مش قادره انسي
بالله عليكم قولولي اعمل ايه ارجع تاني واحاول انسي اللي حصل
ولا هو مايستاهلش اني ارجعله وانه ممكن يخوني تاني
في حاجة نسيت اقولها لكم انه كان بيبعت لي كل يوم جواب من البلد اللي كان فيها متتصوروش الكلام الحلو اللي كان بيقوله ومدي شوقه ولهفته عليا
كل ده وهو في قاعد مع واحدة تانيه وعايش معاها زي الازواج

معلش طولت عليكم وانا بستني ردكم ارجوكم قولولي اعمل ايه
اعتبروني اختكم ودلوني علي الحل
الرجوع الى أعلى الصفحة اذهب الى الأسفل
alaam
نانى لامعه
avatar


البلد : مصر
الهواية :
الجنس : انثى

عدد المساهمات : 1753

خدمات المنتدى
مشاركة الموضوع: مشاركة

مُساهمةموضوع: رد: ساعدوني ارجوكم انا عايزة حل لمشكلتي   الثلاثاء يونيو 08, 2010 7:20 pm

يا حبيبتي
توكلي علي الله اقبلي ابن الحلال اللي اخلاقه حلوه ويتقي الله فيكي من اللي بيتقدمولك
وسيبك من البني آدم ده علشان ده ميؤتمنش عليكي معاه بصراحه
وبعدين ساوم ابوكي علي طلاقك يعني كمان مش بيحبك زي ما بتحبيه
سيبك منه طبعا
الرجوع الى أعلى الصفحة اذهب الى الأسفل
صفا الجزائريه
نانى متألقه



البلد : الجزائر
الهواية :
الجنس : انثى

عدد المساهمات : 334

خدمات المنتدى
مشاركة الموضوع: مشاركة

مُساهمةموضوع: رد: ساعدوني ارجوكم انا عايزة حل لمشكلتي   الثلاثاء يونيو 08, 2010 7:26 pm

السلام عليكم ،حبيبتي أنا قرات رسالتك و لي فهمتوا منها أنوا ترككي لمجرد أنك تمسكتي بالدراسة و مسالش عنك و سافر وغاب عنك ومسالش عنك مدة ، كل ده ممكن نتغاضى عنوا و نقول معليش انه اناني و الامر مش خطير ، بس مشكلة اقامة علاقة غير شرعية دي مصيبة علشان من الكبائر و لي ميخافش من الله لن يصونك بس لو كان ندمان بحق وتاب و انت ادرى لانك تعرفيه و عشرتيه و انت لي تحكمي فخير الخطائين التوابون و الله غفور رحيم ، لكن لو مازال يتصرف على ان الامر عادي وماهوش حاسة بالخطأ و مش ندمان فانا انصحك بان تتركيه لانه من لم يخف من الله و من عقاب الله فلن يصونك ولن يحترمك و لن يحافظ عنك و يمكنه ان يخونك مرة اخرى هذا من جهة ، ومن جهة اخرى انا مفهمتش يعني ايه طلب نقود مقابل طلاقه يعني ابتزاز يعني طمع؟؟؟ لو كان كده فدي كمان مصيبة علشان طماع و ميهموش الا النقود .
عزيزتي الزواج الناجح يكون مبني على الاخلاق و الطيبة و الاحترام و الدين و اركز على الدين لان الشخص الذي يخاف الله سوف يخاف ان يظلمك خوفا من الله ، عزيزتي الله اعطانى العقل لنميز به الصح من الخطأ و ما بني على باطل فهو باطل و ما بني على صح فهو صح ، و اكيد أنت في داخلك عرفى حقيقته فانصحك ان تستعملي عقلك قبل ان تبادري باي شيء و استخيري الله فما خاب من استخاره و قل لن يصيبنا الا ما كتب الله لنا و ان كنت تعرفين انه لا يصلح كزوج فاتركيه و فوضي امرك لله فسوف يرزقك بحول الله بالزوج الصالح كونك و انت طيبة و تخافين الله و الله سيعوضك بخير منه ان شاء الله.
هذا مجرد رأيي أنا و اتمنى ان يفيدك ولو قليلا، واتمنى بان تفيدك العضوات الاخريات لانهن اكثر خبرة مني و كونهن متزوجات.
الرجوع الى أعلى الصفحة اذهب الى الأسفل
ام ليان
.
.
avatar


البلد : السعودية
الهواية :
الجنس : انثى
mms : شفيع الخلائق



عدد المساهمات : 4000

خدمات المنتدى
مشاركة الموضوع: مشاركة

مُساهمةموضوع: رد: ساعدوني ارجوكم انا عايزة حل لمشكلتي   الثلاثاء يونيو 08, 2010 7:39 pm

يابنت الحلال
استخيري
لية متعبا نفسك كذة اسالى ربك رب العباد اذا كان زواجك فية خير لك ييسرة لك رب العالمين احسن طريقة
الرجوع الى أعلى الصفحة اذهب الى الأسفل
toty fruity
المديره التنفيذيه
المديره التنفيذيه
avatar


البلد : مصر
الهواية :
الجنس : انثى
mms : جميل

عدد المساهمات : 5082

خدمات المنتدى
مشاركة الموضوع: مشاركة

مُساهمةموضوع: رد: ساعدوني ارجوكم انا عايزة حل لمشكلتي   الثلاثاء يونيو 08, 2010 8:14 pm

السلام عليكم ورحمه الله وبركاته
تشرفنا بيكى حبيبتى واسعدنا ثقتك بنا واتمنى ان تستفادى من اراء الاخوات ويكون المنار لطريقك
ماشاء الله اراء الاخوات كلها سليمه ..واتمنى ان تهديكى للطريق السليم
اولا حبيتى استخيرى الله ..فهو خير المستعان لمشاكلنا وهو دائما من نلجأ اليه
اما عن رأيي فهذا الشخص غير امين عليك وعلى اولادك مستقبلا ..اولا لانه رضى بفعل الكبائر الذى تهتز لها سبع سماوات ..ولم يهتم بنظره الله له....لا تجعلوا الله اهون الناظرين اليكم
وثانيا متردد فى حبك ..رفضك لرغبتك تكمله تعليمك ..اللى بيحب حد حبيبتى بيتمنى يشوفه احسن الناس...المفروض هو اللى يشجعك مش يهدم مستقبلك..التعليم مهم جدا للمرأه مثل الزواج تمام
ثانيا كان فين السنتين دول وهو مقيم مع واحده تانيه وكان فين حبك وهو بيقيم معاها علاقه محرمه..وبفعل اكبر الكبائر التى تهتز لها سبع سماوات..لو حبك داخله مش ممكن ينظر لاى امرأه غيرك..مش هيقدر يكون مع واحده تانيه غيرك لو بيحبك...وثالثا وهى الاهم..الابتزاز .ازاى يطلب فلوس من ابوكى مقابل طلاقك..طيب انا حكمك انتى لو واحده قالتلك كده انتى نفسك هيكون رايك ايه..ده مش عنده اخلاق ولا دين..الطلاق اللى ربنا حلله ياخد هو فلوس علشانه...يا بنتى هتفضى عمرك كله فاكره التصرفات دى لو ارتبطى بيه..وفى العشره الحب بيدخل معاه حاجات تانيه كتير وبيبتدى العقل يتدخل ...اتقى الله فى نفسك..واستخيرى الله..وربنا يقدملك ما فيه الخير..ولو ربنا اراد لك الزواج من شخص تانى ..صدقينى حب العشره اقوى كتير واعمق من حب ما قبل الزواج..اختارى من يتقى الله فيكى وفى اولادك.. من ترضوا دينه فزوجوه...ربنا معاكى حبيبتى ويقدملك ما فيه الخير..ويبعده عنك لو فيه الشر ويقرب منك الخير دائما...والله المستعان فاستعينى بالله


الرجوع الى أعلى الصفحة اذهب الى الأسفل
المشتاقة لعفو ربى
المديره التنفيذيه
المديره التنفيذيه
avatar


البلد : مصر
الهواية :
الجنس : انثى
mms : روعه




عدد المساهمات : 11064

خدمات المنتدى
مشاركة الموضوع: مشاركة

مُساهمةموضوع: رد: ساعدوني ارجوكم انا عايزة حل لمشكلتي   الثلاثاء يونيو 08, 2010 8:36 pm

اهلا وسهلا بيكي اختي نورتينا حبيبتي وسعدت جدا بثقتك فينا
ماشاء الله الاخوات كلامك صح ميه ميه ومفيش حاجة اقدر اقولها لك غير انك تلجأى اللي الله سبحانه وتعالي
وتستخيرى ربنا في الزواج من واحد تاني يكون علي خلق ودين واهم حاجة الدين
وان شاء الله ربنا يوفقك لما فيه الخير ويرزقك بالزوج الصالح اللي يراعي ربنا فيكي ويصونك لان في ايه ايه كريمة بتقول الزاني لا ينكح الا زانيه ازاي وهو مخفش من ربنا وعمل كبيرة من الكبائر هيخاف عليكي وهيصونك انتي واولادك
ازاى تضمني انه بعد الجواز يعمل كده ويخونك
لازم تعرفي ان الموضوع ده هيفضل حاجز بينكم ومش ممكن هترجعي زي الاول واكيد هيقلل من احترامك له
والاحترام والثقة و اهم اساسيات الزواج عليهم بتقوم الحياة الزوجية
لو حاجة فيهم نقصت يبقي العلاقة مش هتكون سليمة وممكن توصل لطريق مسدود
بس انتي مقلتيش رأي والدك في الموضوع ده هل وافق عليرجعوك تاني بعد ابتزازه عشان الطلاق ما اظنش انه ممكن يوافق علي كده لانه غير اهل للثقة
ربنا معاكي يوفقك للي فيه الخير ويرزقك بالزوج الصالح ويسعدك دنيا واخرة











الرجوع الى أعلى الصفحة اذهب الى الأسفل
ام مهندالمصرية
المديره التنفيذيه
المديره التنفيذيه
avatar


البلد : مصر
الهواية :
الجنس : انثى
mms : زهره






عدد المساهمات : 17818

خدمات المنتدى
مشاركة الموضوع: مشاركة

مُساهمةموضوع: رد: ساعدوني ارجوكم انا عايزة حل لمشكلتي   الأربعاء يونيو 09, 2010 12:56 am

السلام عليكم ورحمه الله وبركاته
حبيبتى
احنا كلنا هنا اخواتك
وفى خدمتك
وانا قرات قصتك وبصراحه حزنت عليكى لان الصدمه من اقرب الناس ابن عمك
يعنىمأساتك ديما اما عينك
ستخيرى ربنا اولا واخيرا

و انصحك بان تتركى هذا الانسان لاسباب عديده
1 طلبه بتركك التعليم
فيه انانيه ومش سبب لان يتركك ويسافر

2 لو بحبك حب صادق مكنش سافر ووسط الاهل ليتمم الزواج

3 هو باعك وسافر وعاش حياته وشاف نفسه فى الغربه بعيدا عن الله
وارتكب الكبائر بمعاشرته لاحدى النساء طول مده السفر
يعنى بالعربى
زنااااااااااااا
والاكبرمن كده الحمل اللى اجهض مرتين
يعنى قتل نفس بغير حق واتخلى عن طفله
فى شىء اكثر من كده مراره

4 رجعلك تانى لما لاقكى متزوجتيش وطبعا انتى بنت عمه وعارف اخلاقك كويس
يعنى اللى يعرفه اضمن من اللى مايعرفهوش
5 سااااااااااااااااااوم ولدك على طلاقك
يعنى معدنه باااااااااااااان
كل الحاجا ت دى وشايفة انه يستحق ذره من حبك
يستحق انك حتى تفكرى بيه

نصحتى يا اختى
ربنا قدمهالك
بمعرفه الحقيقة قبل فاوات الاوان
يعنى ربنا راضى عنك ومش عاوزك تغلطى غلطله تندمى عليها

فقبلى اللى يتقدملك
واستخيرى ربنا واتقى ر بنا فيه علشان هو كمان يتقى ربنا فيكى
واخلصى له وقدمى له حبك عن خالص نيه وتراضى مع نفسك


اللــــــهم إني أشتهي سجــــــــــــدة على أرض مكــــــــــــــــة...[♥️] !!
فاكتبها لي ...[♥️] !!
ولكل من يشتهيها ...[♥️] !!
يـــــــــــــــــــــــــــــــــــا رب ....[♥️] !!



يااااااااارب يهديكوا يا اولادى ويجعلكوا من حافظة القرأّن الكريم
الرجوع الى أعلى الصفحة اذهب الى الأسفل
alaam
نانى لامعه
avatar


البلد : مصر
الهواية :
الجنس : انثى

عدد المساهمات : 1753

خدمات المنتدى
مشاركة الموضوع: مشاركة

مُساهمةموضوع: رد: ساعدوني ارجوكم انا عايزة حل لمشكلتي   الأربعاء يونيو 09, 2010 8:59 pm

كلام الاخوات عين العقل
الرجوع الى أعلى الصفحة اذهب الى الأسفل
نودى
نانى محدش قدها
avatar


البلد : مصر
الهواية :
الجنس : انثى
mms : خواتيم الاعمال

عدد المساهمات : 3788

مُساهمةموضوع: رد: ساعدوني ارجوكم انا عايزة حل لمشكلتي   الأربعاء يونيو 09, 2010 9:37 pm

البنات قالو كل حاجة ربنا معاكى ويوفقك
الرجوع الى أعلى الصفحة اذهب الى الأسفل
nany
-
-
avatar


البلد : مصر
الهواية :
الجنس : انثى
mms : خواتيم الاعمال

عدد المساهمات : 8351

خدمات المنتدى
مشاركة الموضوع: مشاركة

مُساهمةموضوع: رد: ساعدوني ارجوكم انا عايزة حل لمشكلتي   الأربعاء يونيو 09, 2010 10:59 pm

أهلا بيكى اختى الحبيبة
طبعا اخواتى كفوا ووفوا فى نقطه تكمله تعليمك ونقطه الزنا ونقطه الاجهاض ونقطه الطلاق
أظن ان كل الحاجات دى كفيله انك تشوفى الشخص ده على حقيقته
وازاى يكون بيبعتلك رسائل فيها معسول الكلام وهو بيخونك وبيخون مشاعرك مع واحده تانيه
أظن حبيبتى ان الانسان ده ميستاهلش ضفرك لانه لو كان متمسك بيكى صحيح مكنش ساوم والدك على الطلاق
ولكن كان اتمسك بيكى بكل الطرق
وممكن يكون بيبتز عواطفك علشان يرجعلك ويرجع يبتز والدك مره تانيه
اختى انتى بتقولى ان كل الحب اللى جواكى اتحول لكره وخلى بالك لو ارتبطتى بيه هاتفضلى ندمانه طووووووول عمرك
لانك دايما هاتفضلى حاطه خيانته قدام عنيكى وهاتفضلى دايما شاكه فيه حتى لو استقام وحياتك هاتبقى جحيم
نصيحتى ليكى تشوفى حد من المتقدمينلك ويكون باباكى شايف انه مناسب وتستخيرى ربنا وترتبطى بيه
أفضلك علشان تقدرى تكملى حجياتك بسلام وخلى بالك ابن عمك ده بياع كلام لانه اكيد ارتبط بالحرام مع عشيقته بنفس الكلام اللى بيبعتهولك برسائل سيبك منه مهما كنتى بتحبيه وصدقينى الحب اللى قبل الزواج ده حاجه والحب الحقيقى اللى بعد الزواج ده حاجده تانيه خالص توكلى على الله وشوفيلك انسان يكون محترم ومخلص وارتبطى بيه وطبعا الاستخاره اولا واخيرا
وربنا يوفقك لما يحب ويرضى






الظلم ظلمات يوم القيامه

والله انها لنعمه كبيره أن أعطانا الله العبره والعظه بغيرنا ولم يعطى بنا لغيرنا العبره والعظه
الرجوع الى أعلى الصفحة اذهب الى الأسفل
نانى السيد
نانى جديده



البلد : مصر
الهواية :
الجنس : انثى

عدد المساهمات : 5

مُساهمةموضوع: رد: ساعدوني ارجوكم انا عايزة حل لمشكلتي   الأحد ديسمبر 05, 2010 8:32 pm

حركات اوعى اوعى اوعى تفكرى ترجعى تاننننننننننننننننننننى ده شيطان فى صوره انسان لانه استغل حبك ليه ووالدك كمان بالرغم من انه اقرب المقربيت ليكى لاكن اوعى تضعفى تانى ارجوكى هاتندمى اشد الندم وفى كل مره ها يحصل نفس الشىء اصبر وان شاء الله ربنا ها يعوضك احسن منه
الرجوع الى أعلى الصفحة اذهب الى الأسفل
مؤمنه بالله
-
-
avatar


البلد : مصر
الهواية :
الجنس : انثى
mms : الوان الطيف

عدد المساهمات : 1684

خدمات المنتدى
مشاركة الموضوع: مشاركة

مُساهمةموضوع: رد: ساعدوني ارجوكم انا عايزة حل لمشكلتي   الجمعة مايو 06, 2011 9:55 am

انا مع الاخوات فى كل اللى بيقوله وذيدى فوق كل ده
انه فعلا غير مؤتمن وممكن يكرر نفس الشىء معاكى بعد الزواج ويعرف واحده تانيه
ده انسان افاق ابعدى عنه وشوفى حياتك
ربنا يوفقك
الرجوع الى أعلى الصفحة اذهب الى الأسفل
 

ساعدوني ارجوكم انا عايزة حل لمشكلتي

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة سوبر نانى النسائية  :: نانى المتخفيه(أريد حلا)-
انتقل الى: